បានត្រឹមសោកសៅ

បទ   ៉  ព្យាង្គប្រាំបី   ៉ 

យប់រនោចប្រាំរោចបាត់ចន្ទ្រា

ទ្រូងកំព្រារងាសែនឯកា

ធ្វើម្ដេចទៅបាននៅក្បែរចន្ទថ្លា

ឱ្យរៀមរ៉ាចិន្តាបានល្ហែល្ហើយ។

បិទនេត្រាវាចាទាំងក្រៀមក្រំ

សៀងលាយឡំលាយផ្សំទុក្ខឥតស្បើយ

រយសំណួរចោតសួរគ្មានចម្លើយ

ឱ! លោកអើយ ម្ដេចឡើយគ្មានមេត្ដា?

បើសិនជាវេលាអាចត្រឡប់

អ្វីគ្រប់សព្វកាយកប់ក្រោមបុព្វតា

ឱ្យបាត់សូន្យដូចក្បូនក្នុងជលសា

ឱ្យភ្លឺថ្លាចិន្ដាគ្រាឥលូវ។

ណ្ហើយចុះ អ្វីទាំងអស់ តាមវាសនា

ទោះវាចា យ៉ាងណាក៏គ្មានផ្លូវ

កម្មលិខិត​កម្រិត ហើយតម្រូវ

អ្វីដែលត្រូវ ស្រាយបាន ប្រាណគ្មានហ្មង។​

ថ្ងៃចន្ទ ៥ រោច ខែមាឃ ឆ្នាំរកា នព្វស័ក ពុទ្ធសករាជ ២៥៦១
ត្រូវនឹងថ្ងៃទី៥ ខែកុម្ភៈ ឆ្នាំ២០១៨
February 5, 2018
ដោយ ៖ អូរ អក្ខរា