#អធិប្បាយស្នេហ៍តាមចុហ្មាយ

៙សញ្ជប់សញ្ជឹងទន្ទឹងគិត 

រូបស្រស់វរមិត្រនៅនាយអាយ

សុខទុក្ខយ៉ាងណាពៅឆោមឆ្ងាយ? 

យើងឆ្ងាយតែកាយចិត្តក្បែរគ្នា។

សុរិយេទេទាបរៀបរលត់ 

ពេលអស្ដង្គតនឹកពុំងា

ដួងច័ន្ទរនោចផ្ទៃមេឃា 

បាត់ព្រះចន្ទ្រាទាំងសោកស្ដាយ។

ទាញស្លាបប៉ាកាចារអត្ថន័យ 

ចេញពីហឫទ័យផ្ញើឆោមឆាយ

ទៅនាយសមុទ្រឆ្ងាសែនឆ្ងាយ 

ពាក្យពេចន៍បរិយាយទាំងរលឹក។

ឱ! ប្រៃសណីយ៍ជាទីស្នេហា 

ជួយថែគ្រងសារឆ្លងដែនទឹក

មិនថាយប់ថ្ងៃឬល្ងាចព្រឹក 

សារផ្ញើចិត្តនឹកឆ្លងបុរី។

បើបានទទួលនិមលឆ្លើយ 

ឱ្យបងបានស្បើយហឫទ័យ

ជីវវិតបងពិតជាមានន័យ 

ចាំអូនវិលវៃរៀមរងចាំ៕៚

ថ្ងៃសៅរ៍ ៤កើត ខែមាឃ ឆ្នាំរកា នព្វស័ក ពុទ្ធសករាជ ២៥៦១

ត្រូវនឹងថ្ងៃទី២០ ខែមករា ឆ្នាំ២០១៨

៙៙@៚៚

អូរ អក្ខរា