ខ្មែរពូជអ្នកល្បី

កុំអួតរឿងស្រី  កុំអួតផុតដី

កុំល្បីព្រោះស្រា  កុំសឿងចិត្តឯង

គ្មានក្រែងនរណា  កុំដាច់មេត្តា

និងជនក្រីក្រ។​

កុំមានមោទនៈ  ពេលផឹកកាប់់ចាក់

ថៃយួ​នត្រេកអរ  ព្រំរលុងខើច

កុំស្ញើចរូបល្អ  រូបកាយ​បវរ

ចិត្តបងប្អូនមារ។​

ខ្មែរពូជអ្នកល្បី  ស្នេហ៍ដែនបុរី

ក្រុងកម្ពុជា  យើងខ្មែរតែមួយ

ខំស្ទួយគ្នីគ្នា  យើងពូជអ្នកជា

កុលបុត្រអង្គរ។​

ពន្លកត្រួយថ្មី  លូតលាស់មកខ្ចី

ពូនដីគាំទ្រ  បោចស្មៅស្រោចទឹក

ល្ងាចព្រឹកបបូរ  ឱ្យងើបត្រង់ឈរ

មានដើមមានខ្លឹម។​

អូរ អក្ខរាសៀមរាបថ្ងៃចន្ទ ៤ កើត ខែកត្តិក ឆ្នាំរកា នព្វស័ក ពុទ្ធសករាជ ២៥៦១
ត្រូវនឹងថ្ងៃទី២៣ ខែតុលា ឆ្នាំ២០១៧
October 23, 2017