បុប្ផាជាន់ធាង
៙បុប្ផាដើមលៃជាប់ផ្ទៃមេឃ
ចោលក្រសែភ្នែកឃើញស្រលន
រេរាំយោលយោគដូចរូបអូន
មិនចេះស្រពោនឡើយមាសមេ។
បុប្ផាចង្កោមប្រលោមស្និទ្ធ
ទឹកផ្អែមជាប់ចិត្តអ្វីម្ល៉េះទេ
ប្រយោជន៍ក្រាស់ក្រៃលើសលប់គេ
ត្នោតមករតកកេរតំណាងខ្មែរ។
បុប្ផាជាន់ធាងរាងសមសួន
ហំហើយមាំមួនយើងថួនថែ
ដុះនៅក្រោយភូមិលម្អស្រែ
ស្ករត្នោតមិនប្រែរសផ្អែមឡើយ។
បុប្ផាផ្កាពកជ្រកក្រោមស្លឹក
ធាងរលោងសឹកក្បែរបង្កើយ
កាត់ផ្កាសំយុងបំពង់ហើយ
ព្រហាមលោកអើយទឹកហៀរហូរ។
...៚
អូរ អក្ខរា
ថ្ងៃព្រហស្បតិ៍ ខែមាឃ ព.ស.២៥៦១
សៀមរាបថ្ងៃទី ១៨ មករា ២០១៨
ម៉ោង ០៨៖៣០នាទី យប់
ខានសរសេរយូរចេះតែសរសេរទាំងខុសទាំងត្រូវ
សូមអធ្យាស្រ័យចំពោះរូបភាព
No comments:
Post a Comment